Талапкер
Студент
Түлек
Қызметкер
Курстар
Бизнес серіктес
Инновацияға негізделген бастама, медициналық жаңалықтар және ДНК жинайтын дрон
Шетелдік университеттердің соңғы кездегі жетістіктерімен таныстырамыз.
Nanyang Technological University: инновациялар мен кәсіпкерлікті ынталандыру бастамасын көтерді
Сингапурдың инновациялар мен білімге негізделген экономикаға деген ұмтылысын қолдау үшін, NTU Singapore өзінің инновациялық мүмкіндіктерін кеңейту және зерттеулерді коммерцияландыруды жеделдету үшін жаңа бастама көтерді.
Swiss Federal Institute of Technology Zurich: Цюрих техникалық мектебі ДНК жинайтын дрон ойлап тапты
eDrone деп аталатын квадрокоптер камералар мен басқа да датчиктердің көмегімен ағаштардың бұтақтарына көтеріліп, ақпарат жинай алады, сосын ол қайтадан бұтаққа қонады. Содан кейін аппараттың «ішіндегі» желім жолақтарының көмегімен ол генетикалық материалды жинайды.
Technische Universiteit Delft: инженерлер, дәрігерлер мен пациенттерге арналған Cardiovascular Biomechanics Lab атты жаңа алтын тұтқа
Жүректің және қан тамырларының биомеханикасы бойынша зерттеулер жүргізетін Delft ғалымдары мен студенттері Erasmus MC кардиологтарымен, невропатологтары және рентгенологтарымен бірге жүрек-қан тамырлары биомеханика зертханасында (CVBL) жұмыс істейді.
Pohang University of Science аnd Technology: профессор Хён Джун Чаның зерттеу тобы Кореяда табылған қара қоңыз құрттары арқылы полистиролдың биодеградациясын растады.
Зерттеу тобы Шығыс Азияда, соның ішінде Корей түбегінде табылған қара қоңыз құрттары полистиролды тұтынып, оның массасы мен молекулалық салмағын азайта алатынын анықтады. Сондай-ақ топ оқшауланған ішек флорасы полистирол пленкасының беткі қасиеттерін тотықтырып, өзгерте алатынын растады.
National University of Singapore (NUS): Сингапур Ұлттық университетінің зерттеушілері сәулелік терапияны нақты уақытта бақылау үшін жаңа рентгендік дозиметр ойлап тапты, бір қызығы – оны ішке қабылдауға да болады
Ішке қабылдауға болатын, қолжетімді бағадағы капсула адам ағзасындағы сәулелену дозасын, асқазан-ішек жолындағы рН және температураны нақты уақыт режимінде бақылайды және сәулелік терапиядан өтіп жатқан асқазан обыры бар науқастарға көмектесуі мүмкін.
