Талапкер
Студент
Түлек
Қызметкер
Курстар
Бизнес серіктес
ҚР Ғылым және жоғары білім министрі жұмыс сапары аясында Сәтбаев Университетіне келді
20 қаңтар күні ҚР Ғылым және жоғары білім министрі Саясат Нұрбек жұмыс сапары аясында Сәтбаев Университетіне келіп, университеттің геолог мамандарымен кездесті. Олар министрге қайтадан қалпына келтірілген Геологиялық мұражайды көрсетті.
Минералогия галереясы мен геологиялық мұражай – Сәтбаев Университетінің мектеп оқушылары мен студенттерді еліміздің тамаша қазба байлығымен таныстыратын және баға жетпес құнды пайдалы қазбалар әлемінің сырын ашатын ерекше тарихи жобасы. Мұражайды қайтадан қалпына келтіру жұмыстарына «Қазақмыс Барлау» және Qazaq Geophysics компаниялары демеушілік етті.
Мұражайдың бай көрмесінде Қазақстанның геологиялық құрылымын және бүкіл әлемнің стандартты салымдарын сипаттайтын тас материалдарының анықтамалық экспонаттарын тамашалауға мүмкіндік бар. Мұражай студенттерге практикалық геологияны зерттеу жолдарын меңгеруге алғашқы оқу күнінен бастап көмектеседі.
Мұражайды аралап болғаннан кейін соң министр Тіркеу кеңсесінің жұмысымен танысты. Қоғамдық қабылдау бөлімінде болып, Сәтбаев Университетінің студенттері мен магистранттары әзірлеген SU Solutions мобильді қосымшасымен танысты. Сондай-ақ электромобильдерді жөндеу және оларға техникалық қызмет көрсету жөніндегі ғылыми-өндірістік орталық пен электр разряд станциясын құру жобасымен де танысты.
Сапар соңында министр Сәтбаев университетінің студенттеріне арналған UniHUB жастар коворкингінде студенттерімен кездесу өткізіп, оқу үдерісі мен ғылыми жобалар мәселелері жөнінде талқылады. Әңгіме барысында студенттер Масанчи көшесінің бойындағы «Дос-Мұқасан» аллеясын салу жобасы туралы әңгімеледі. Бұл – Сәтбаев Университеті студенттерінің Алматы қаласы әкімдігі мен UniHUB коворкинг инвесторларымен бірлесе отырып қолға алған бастамасы.
