Талапкер
Студент
Түлек
Қызметкер
Курстар
Бизнес серіктес
Махамбет Өтемісұлының шығармашылығына арналған кеш
«Болашаққа бағдар: рухани жаңғыру» бағдарламасы аясында «In principio erat verbum» («Әр нәрсенің қайнар бастауы – Сөз») клубының ұйымдастыруымен қазақ халқының азаттығы, теңдігі жолында ақ найзасымен, асқақ жырымен күрескен, сол жолда құрбан болған батыр, әрі азаткер ақын Махамбет Өтемісұлының шығармашылығына арналған кеш өтті. Университетіміздің студенттері қатысқан бұл шарада Махамбет Өтемісұлының жалынды жырлары, ақынның рухына арналған Олжас Сүлейменов, Мұхтар Шаханов сияқты қазақтың біртуар ақындарының арнау өлеңдері оқылып, қазақтың қасиетті аспабы қобыз бен домбырада тамаша композициялар орындалды. Жастар күрескер ақынның шығармашылығымен танысып қана қоймай, отансүйгіштік пен патриотизмге толы болған кештен ләззат алды. Кеш соңында қазақ және орыс тілі кафедрасының меңгерушісі А.Үдербаев Махамбет Өтемісұлының ХІХ ғ. қазақ поэзиясына қосқан үлесі туралы әңгімелеп берді. Клуб жетекшілері Н. Танкиева, А.Жұмашева кешті өткізуге атсалысқан белсенді студенттерге алғысын білдіріп, кафедрамызда жұмыс істейтін әдеби клубтарымызға келем деушілерге әрқашан да есік ашық екенін хабарлады.
