Өнертапқыштардың жыл сайынғы «Шапағат-2021» республикалық байқауының қорытындылары шықты

Сәтбаев Университетінің екі командасы «Шапағат-2021» Республикалық өнертапқыштар байқауының жеңімпаздары атанды. Ең көп дауыс жинаған жеңімпаздар:

Боранбай Ратов, техника ғылымдарының докторы, қауымдастырылған технолог, Сәтбаев Университетінің профессор-зерттеушісі, оның өнертабысы тау-кен және мұнай-газ өнеркәсібіне, атап айтқанда, жұмсақ және орташа қатты тау жыныстарында әртүрлі мақсаттағы үлкен диаметрлі ұңғымаларды бұрғылауға арналған кескіш құрал-саймандарға қатысты. Өнертабыстың техникалық нәтижесі бұрғылау кезіндегі энергия шығынын азайту және үлкен диаметрлі ұңғымаларды бұрғылау өнімділігін арттыру болып табылады.

Алмабек Қасенов, Сәтбаев Университетінің профессоры, техника ғылымдарының кандидаты, ол әртүрлі мақсатта қолданылатын ұңғымалардың сүзгі тізбегін тазалауға арналған құрылғы ойлап тапты. Құрылғы ұңғымалардың ішкі қабырғаларын, сүзгілерін тазартады, сөйтіп өнімді қабаттың түпкі аймағының өткізгіштігін қалпына келтіреді, осылайша кавитациялық әсерді құру үшін және кавитация кезінде бұрғылау сұйықтығы ағынының кинетикалық энергиясын барынша толық пайдалануға қол жеткізіледі, көпіршіктердің ыдырауынан пайда болған соққы толқыны корпустың айналуы есебінен тазартылған беттің әрбір нүктесіне әсер етеді, ұқсас құрылғылармен салыстырғанда бұл сүзгісі бар ұңғыманы да, өнімді қабаттың түпкі аймағын да тазарту дәрежесін арттырады.

Республикалық «Шапағат» байқауы 2004 жылдан бері өткізіліп келеді, ал 2017 жылдан бастап ол онлайн форматқа көшті. Байқауға өнертабыстарға, пайдалы модельдерге, өнеркәсiптiк үлгiлерге алдыңғы жылы берілген патенттердің иелерi қатыса алады. Жеңімпаздар дипломдармен және естелік сыйлықтармен марапатталады. Байқауды ұйымдастырушылар біздің отандастарымыздың өнертапқыштық белсенділігін насихаттайды. Байқауда жеңіп шыққан он жеңімпаздың қатарында ауыл шаруашылығы, тау-кен өнеркәсібі, медицина және техникалық өнеркәсіп салаларының жаңашыл ғалымдары бар.

Жеңімпаздардың толық тізімі мен бұрынғы жылғы байқаулар нәтижелерін мына сайттан көріңіздер.