Ректордың 2025 Жаңа жылмен құттықтауы!

Құрметті студенттер, оқытушылар, қызметкерлер және Сәтбаев Университетінің  достары! Сіздерді Жаңа 2025 жылмен шын жүректен құттықтаймын!

Аяқталып жатқан жыл біз үшін шын мәнінде ерекше жыл болды. Біз университетіміздің 90 жылдығы мен академик Қаныш Сәтбаевтың 125 жылдық мерейтойын атап өттік, бұл университет тарихындағы маңызды кезең болды.

2024 жылы университетіміз QS Sustainability Rankings ғаламдық рейтингінде 110 орынға, ал QS университеттердің әлемдік рейтингінде 76 орынға жоғарылады. Біз инфрақұрылымымызды кеңейттік, FabLab MIT ғаламдық қауымдастығына қосылдық, университетімізді цифрландыру жолында тағы бір қадам жасап, Сәтбаев Университетінің заманауи технологияларды білім беру процесіне интеграциялай алатын жетекші инновациялық орталық ретіндегі мәртебесін растадық. Біз стартаптарды, пәнаралық зерттеулер мен тәжірибеге бағытталған оқытуды дамыту үшін жағдай жасап, білім алушылар мен оқытушыларға ғылым мен техника саласындағы әлемдік стандарттарға қол жеткізу мүмкіндігін ұсындық.

Біздің жетістіктеріміз жаңа жобаларға шабыттандырып, білім мен ғылымның мүмкіндіктеріне сенімімізді нығайтады. Бұл мүмкіндіктер білім экономикасын қалыптастырудың басты факторы болып табылады.

Сіздерге Жаңа жылда жұмыстарыңызға табыс, денсаулық және отбасыларыңызға амандық тілеймін! Біздің Политех баршаңыз үшін армандар орындалатын, әр күн жаңа жаңалықтар әкелетін, ұлы жетістіктерге шабыттандыратын және өркендеу мен табысқа жетуге жол ашатын мүмкіндік кеңістігі болып қала берсін!

Жаңа жылдарыңызбен! Жаңа жылда жаңа бақыт тілеймін!

Құрметпен,
Сәтбаев Университетінің  ректоры                              Мейрам Бегентаев