29 қараша 2024 1795

«Сәулет» кафедрасында Дамир Үсеновтың сәулет өнеріндегі жасанды интеллект туралы дәрісі өтті

«Сәулет» кафедрасында белгілі қазақстандық сәулетші Дамир Үсенов өткізген "Сәулет өнеріндегі жасанды интеллект: өткен және болашақ" тақырыбында шабыттандыратын дәріс өтті. Lenz Architects сәулет студиясының негізін қалаушы және директоры, беделді халықаралық байқаулардың жеңімпазы, Қазақстанда және шетелде бірегей жобалардың авторы студенттер мен оқытушыларға құнды білімдері мен тәжірибесімен бөлісті.

Дамир жасанды интеллекттің сәулет жобалауға қалай әсер ететіні туралы айтып, Midjourney және Veras сияқты нейрожелілердің рөлін атап өтті. Бұл құралдар сәулетшілерге стандартты емес шешімдер табуға, жобалау үдерісін жылдамдатуға және шығармашылықтың жаңа көкжиектерін ашуға көмектеседі.

Лектор жасанды интеллектпен жұмыс істеу бойынша жеке тәжірибесіне ерекше тоқталды. Ол технологиялардың адам шығармашылығын алмастырмай, оны толықтыратынын нақты мысалдармен көрсетті. Өз тәжірибесінен алынған мысалдар аудиторияны қызықтырып, жасанды интеллекттің кәсіби қызметке қалай интеграцияланатынын тереңірек түсінуге мүмкіндік берді.

Дәріс қызу пікірталаспен аяқталды. Студенттер мен оқытушылар болашақ мамандықтың мүмкіндіктері мен сын-қатерлері, сондай-ақ сәулетке инновацияларды енгізу туралы көптеген сұрақтар қойды. Көптеген қатысушылар бұл кездесу үйреншікті нәрселерге басқаша қарауға және жобалауда жаңа тәсілдерді ойластыруға мүмкіндік бергенін атап өтті.

Дамир Усеновке мазмұнды дәрісі және академиялық ортаға шабыт бергені үшін алғысымызды білдіреміз. Ынтымақтастығымыз жалғасып, жаңа кездесулер өтеді деп сенеміз.