Талапкер
Студент
Түлек
Қызметкер
Курстар
Бизнес серіктес
Шахмардан Есенов атындағы шәкіртақыға конкурс жарияланды
Академик Шахмардан Есенов атындағы ғылыми-білім беру қоры ай сайын 27 000 теңгеден берілетін 25 студенттік шәкіртақыға конкурс жариялайды.
Конкурсқа қатысушылар: Қазақстан Республикасы университеттерінің бакалавриатында 2-3 курстарда оқитын, сондай-ақ жаратылыстану ғылымдары, техникалық, медициналық және ІТ мамандықтары бойынша магистратураның немесе интернатураның 1-курсында оқитын, жасы 18-ден жоғары студенттер.
Грант саны: 25.
Ш. Есенов атындағы шәкіртақы конкурсына қатысу үшін үміткерлер аталмыш қордың сайтында берілген онлайн-өтінішті толтырады және оған қосымша мына құжаттарды тапсырады:
- Жеке куәліктің сканерден өткізілген көшірмесі;
- «Мен Қазақстан ғылымы үшін не істедім және не істей аламын? Сіз үшін не өте маңызды және неге?» атты тақырыпта жазылған эссе (эссе тек қана жазбаша түрде болуы керек);
- Студенттің білімін көрсететін транскрипт (ең төменгі орташа GPA балл 3,0 болу керек);
- Магистратура студенттері жоғары білімі туралы диплом көшірмесін (бакалавр, мамандығы) тапсырады;
- Ғылыми сертификаттар/дипломдар (2-ден көп емес);
- Әлеуметтік белсенділігі немесе еріктілер қатарында болғандығы туралы сертификат (3-тен көп емес);
- Жарияланымдары – (2-ден көп емес).
Ғылыми-білім беру қоры қарастыратын сертификаттар саны шектеулі. Үміткер өзінің жоғары жетістіктерін дәлелдейтін сертификаттарды өзі таңдап алуы тиіс.
Құжат тапсыру мерзімі – 20.02.2020 ж. дейін. Қабылдау уақыты 2020 жылдың 20 ақпанында Нұр-Сұлтан уақыты бойынша сағат 15.00-де аяқталады (GMT+6).
