Сіздерді «Тау-кен металлургия саласындағы тұрақты даму және заманауи кешенді, ресурс үнемдейтін және энергияны қажет ететін технологиялар» атты конференцияға шақырамыз

«Тау-кен металлургия саласындағы тұрақты даму және заманауи кешенді, ресурс үнемдейтін және көп энергияны қажет ететін технологиялар» атты халықаралық ғылыми-тәжірибелік конференция 2024 жылғы 22 қараша күні өтеді.

Конференция профессор, Ұлттық ғылым академиясының академигі, Қазақстан металлургия мектебінің көрнекті өкілдерінің бірі В.А. Лугановтың туғанына 85 жыл толуына арналады. Белгілі ғалым еліміздің металлургия өнеркәсібіне, ғылымына, Қазақстан Республикасының экономикасына қажетті ғылыми және инженер кадрларды даярлау мен тәрбиелеу ісіне елеулі үлес қосқан.

Конференция аясында «Өндіруші металлургияны тұрақты дамыту зертханасы» атты профессор Владимир Алексеевич Луганов атындағы аудиторияның ашылу салтанаты өтеді. Зертхананы қайтадан қалпына келтіру ісіне «Қазцинк» компаниясы демеушілік жасады.

Конференцияға Қазақстан Республикасы жетекші компанияларының өкілдері, атап айтқанда: «Қазцинк», «Қазатомөнеркәсіп», «Қазақмыс» корпорациясы, «УК ТМК», «KAZ Minerals Aktogay», «Алтыналмас» компаниялары қатысып, тұрақты даму саласындағы отандық және халықаралық тәжірибе туралы және тау-кен металлургия өнеркәсібіндегі заманауи кешенді, ресурс үнемдейтін және энергияны көп қажет ететін технологиялар жайлы талқылауға қатысады.

Сонымен қатар конференцияға шетелдік қонақтар: Worcester Polytechnic Institute – АҚШ, Colorado School of Mines – АҚШ, Bialystok University of Technology – Польша, Murdoch University – Австралия, Назарбаев университеті және басқалары қатысады.

Конференцияның пленарлық және секциялық отырыстарында экономиканың тұрақты даму жағдайындағы тау-кен металлургия өнеркәсібінің негізгі проблемалары талданады, сондай-ақ ресурс үнемдейтін технологияларды трансформациялаудың заманауи жағдайдағы нақты жолдары мен шаралары ұсынылады.

Өтетін орны: Алматы қаласы, Сәтбаев көшесі, 22, Тау-кен металлургия корпусы, 2-қабат, Д.Сүлеев атындағы Ғылым және шығармашылық орталығы.

Өтетін күні және уақыты: 2024 жыл, 22 қараша, сағ. 10.00–17.00.

Конференция туралы толығырақ