Студенттер мен оқытушыларды International Innovation ARSVOT Malaysia (IAM2021) көрмесіне қатысуға шақырамыз
International Innovation ARSVOT Malaysia (IAM2021) – бұл оқу мен оқыту саласындағы инновацияларға, инновациялық өнімдерге және гуманитарлық ғылымдар бойынша тәжірибе алмасу құралдарына арналған көрме.
IAM 2021 негізгі екі іс-шарадан тұрады: инновациялық байқау және конференция. Бізде қазір COVID-19 пандемиясы болғандықтан, көрме онлайн режимінде өтеді де, қатысушылар онда жаңа идеяларымен және білімдерімен бөліседі.
Қатысушылар – әр елдерден келген студенттер, оқытушылар, лекторлар, зерттеушілер мен өнертабыс иелері.
Аталмыш іс-шара 2021 жылы 10 сәуірде (сенбі күні) Zoom платформасында өтеді, оның уақыты мен жұмыс кестесі жөніндегі ақпарат бір апта қалғанда хабарланады.
2021 жылдың 31 наурызына дейін тіркелуге болады.
IAM 2021 көрмесіне қатысыңыздар, сонда сіздің ашқан жаңалықтарыңыз бен зерттеулеріңіз туралы басқалар да білетін болады!
