«SU Game Jam 2021» Республикалық ойын өндірушілер фестивалі аяқталды

Сәтбаев Университетінде ойын өндірушілердің жыл сайынғы алғашқы «SU Game Jam 2021» фестивалі өтті. Үстіміздегі жылы 6 желтоқсан күні хакатонның жабылуы салтанатты түрде өтіп, оның жеңімпаздары анықталды.  

Фестивальді Сәтбаев Университетінің Автоматтандыру және ақпараттық технологиялар институты «theHUB» Тәуелсіз жастар қоғамымен бірлесе отырып ұйымдастырды. Оған Сәтбаев Университетінен басқа Астана IT университетінің, Сүлейман Демирел атындағы университеттің, Алматы Энергетика және байланыс университетінің, Гумилев атындағы Еуразия ұлттық университетінің, Халықаралық ІТ университеттің командалары, Назарбаев зияткерлік мектебінің оқушылары, сондай-ақ республиканың басқа да мектептерінің оқушылары мен жоғары оқу орындарының студенттері қатысты. Алғашқы «SU Game Jam 2021» фестивалінің демеушісі – «ТрансТелеком» АҚ-ы» компаниясы.

Жарысқа ұсынылған жобалардың негізгі тақырыбы – GameDev. Қатысушыларды Интернет дәуірінің басталу дәуірі, алғашқы ойындар мен операциялық жүйелердің қарапайымдылығы мен жарқын графикасы шабыттандырды. Осындай жобалардың бәрін олар эстетикалық тұрғыда жасауға тиіс болатын. Нәтижесінде үш команда «Game Jam SU 2021» фестивалінің жеңімпазы атанды.

Алматы Энергетика және байланыс университетінің «Puppies in socks» командасы «Left Alone» жобасымен 1-орынға ие болып, абсолютті жеңімпаз атанды.

Хакатонда командалық жарыстан бөлек, арнайы номинациялар бойынша жеңімпаздар да анықталды. Ең жаңашыл команда ретінде Жамбыл инновациялық жоғары колледжінің «JIC Games» командасы «Pim Pom» жобасымен жеңімпаз деп танылды.

 «Game Jam SU 2021» фестивалінің жеңімпаз командалары

Номинациялар бойынша жеңімпаз командалар