29 мамыр 2024 3189

Тұрақты даму мақсаттары үшін шет тілдерін оқытудың гибридті форматына көшу

2024 жылдың 10 мамырында «Шет тілдері» кафедрасының аға оқытушысы Қалқаева Айжан Бітімбайқызы Цифрлы технологиялар және кәсіптік даму институты директорының орынбасары Ақанова Гүлдана Қайратқызымен бірге шет тілдерін үйренуге арналған бейне курстарды Polytechonline платформасында құру бойынша кіріспе мастер-класс өткізді. Кафедраның профессорлық-оқытушылық құрамы ағылшын тілін гибридтік форматта оқытуды ұйымдастырудың мақсаттарымен, артықшылықтарымен және формаларымен таныстырылды (апта сайын 1 онлайн сабақ + 2 офлайн сабақ).

Кафедра қызметкерлерімен талқылау барысында шет тілдерін оқытудың гибридті форматына көшу алдыңғы қатарлы цифрлық технологияларды және мұғалім қатысуымен коммуникативті оқыту әдістерін қатар қолдану арқылы оларды меңгеру тиімділігін арттыруға мүмкіндік беретіні атап өтілді.

Бұл бастама «Сапалы білім» атты №4 Тұрақты даму мақсатна сәйкес келеді, өйткені ол сапалы жоғары білімнің қолжетімділігін арттырады.