Жаппай диктант: Тілдер күні мен Абайдың 180 жылдығы

Қазақстан Республикасы Тілдері күніне орай және ұлы ойшыл, қазақтың бас ақыны Абай Құнанбайұлының 180 жылдық мерейтойы аясында  Жобаларды басқару институты Қазақ және орыс тілдері кафедрасының ұйымдастыруымен “ Жаппай диктант” ұйымдастырылды.  Шараның басты мақсаты – мемлекеттік тілдің қолданыс аясын кеңейту, жас ұрпақтың сауаттылығын арттыру, сондай-ақ Абай мұрасын дәріптеу болып табылады. Диктантқа жалпы саны 157адам қатысты. Онда институт басшылары мен оқытушылар, әртүрлімамандықта оқитын студенттер қатысып,өздерінің жазу сауаттылығы мен білім деңгейін сынады.

Бұл көрсеткіш – жас буынның мемлекеттік тілге деген зор қызығушылығының және құрметінің айғағы. Абай Құнанбайұлының тағылымға толы шығармалары мен ұлағатты сөздері өскелең ұрпақ үшін әрқашан өнеге болып қала бермек. Осындай игі шаралар жас ұрпақты ана тілін құрметтеуге, елдік пен бірлікті ұлықтауға шақырады. Диктант қорытындысы жарияланып, үздіктерге диплом мен сыйлықтар тапсырылатын болады.