Жобаларды басқару институты мен Qazpatent зияткерлік меншік құқығын қорғау бойынша дәріс өткізді

2024 жылдың 18 желтоқсанында Қ. И. Сәтбаев атындағы Қазақ ұлттық зерттеу техникалық университетінің Жобаларды басқару институты Казпатентпен бірлесе отырып, «Қазақстан Республикасындағы патенттік және авторлық құқық негіздері» тақырыбында дәріс өткізді.

Бұл іс-шара Тұрақты даму мақсаттарын (ТДМ), атап айтқанда, «Сапалы білім» және «Инновациялар және инфрақұрылым» бағыттарын ілгерілету аясында ұйымдастырылды. Дәрістің мақсаты – ғылым мен технология саласында зияткерлік меншікті қорғаудың маңыздылығын түсіндіру арқылы студенттердің құқықтық сауаттылығын арттыру.

Дәріс барысында магистранттар келесі тақырыптар бойынша ақпарат алды: Өнертабыстарды патенттеу және өтінім беру тәртібі, Қазақстандағы зияткерлік меншік нысандарын қорғау ерекшеліктері, Авторлық құқықтың негіздері мен олардың тәжірибедегі қолданылуы.

Сөз сөйлегендер қатарында Филиал директорының орынбасары – Оқу орталығының жетекшісі Гүлназ Мадиярқызы Әжімхан болды, ол зияткерлік меншік саласындағы білім мен тәжірибе алмасудың маңыздылығын атап өтті. Спикерлер ретінде Алматы қаласындағы Qazpatent филиалының бас сарапшылары Раушан Кеңесқызы Жетібәева мен Татьяна Витальевна Горбунова сөз сөйледі. Олар Қазақстан Республикасында өнертабыстар мен пайдалы модельдерді патенттеу, сондай-ақ авторлық құқық объектілерін Қазақстан Республикасының Мемлекеттік тізіліміне тіркеу мәселелерін ашып көрсетті.

Дәріс студенттердің үлкен қызығушылығын тудырып, олар инновациялық жобаларда зияткерлік меншік құқықтарын қолдану бойынша көптеген сұрақтар қойды. Алынған білім магистранттарға өз жобаларын ТДМ-ға сәйкес жүзеге асыруға, сондай-ақ Қазақстанда инновациялық ортаны дамытуға көмектеседі.

Казпатентке білім беру және ғылыми қызметке қосқан үлесі үшін алғысымызды білдіреміз!