Қ.И.Сәтбаев атындағы ҚазҰТЗУ R.E.P. PMI® оқу бағдарламаларының ресми провайдері мәртебесін алды

2017 жылы 1 мамыр күні Қ.И.Сәтбаев атындағы Қазақ ұлттық техникалық университеті R.E.P. – PMI® (Project Management Institute. Pennsylvania, United States) оқу бағдарламаларының ресми провайдері мәртебесін алды. Бұл жобаларды басқару бойынша сертификацияға дайындау мен оқытудың сапасы жоғары болуының айқын дәлелі.

PMI® ресми провайдер мәртебесі (Global Registered Education Provider – R.E.P.) халықаралық нарықтағы жобаларды басқару бойынша білім беруде өзінің біліктілігін дәлелдеген оқу орындарына беріледі. Жоғарғы оқу орнының R.E.P. мәртебесін иемденгені – оқытушылардың кәсіби біліктілігінің жоғары дәрежелі болуының, сонымен қатар курс мазмұнының жобаларды басқару бойынша халықаралық стандарт талаптарына сәйкес болуының дәлелі.

R.E.P. мәртебесі PMI® мәліметтер базасында курстардың тіркелуін қамтамсыз етеді, соған байланысты ҚазҰТЗУ курстарының тыңдаушылары Кәсіби Даму Бірліктерін (PDU, Professional Development Units) иемдене алады, сонымен қатар оларға білім алғаны жөнінде халықаралық үлгідегі сертификат беріледі.