My Polytech журналының жаңа жылдық саны жарыққа шықты

Қымбатты оқырмандар! Сіздердің алдарыңызда My Polytech журналының жаңа жылдық саны. Бұл дегеніңіз – біздің басылымның жаңа атауына жарияланған байқау нағыз қызықты кезіне жетті деген сөз! Бізге білдірген жылы лебіздеріңіз үшін мың алғыс! Сіздердің ізгі тілектеріңізден біз нәр алып, одан сайын шабыттана түсеміз.

Әр Жаңа жылдың алдында өткен жылға қорытынды жасалып, алдағы жылға жаңа жоспарлар құрылады. 2017 жыл көптеген өзгерістерге толы болды. Енді келер жылда да тамаша жақсылықтар, сәттіліктер көп болады деген сенім мол. Тіпті осы ғажайыптарға толы жаңа жылдық түнде бәріміздің ортақ арманымыз, мақсатымыз орындалады деп сенемін!

Барлықтарыңызды Жаңа жылмен шын жүректен құттықтаймын! Жарқын болашаққа деген сенімдеріңіз артып, арман-тілектеріңіз орындала берсін! Бақытты, ауқатты болыңыздар!

Игі тілекпен,

бас редактор

Камила Буташева