Сәтбаев Университеті атом өнеркәсібі қызметкерлерін мерекемен құттықтайды!

Жыл сайын 28 қыркүйек күні Қазақстанда атом өнеркәсібі қызметкерлерінің кәсіби мерекесі аталып өтеді. Сәтбаев Университетінің ұжымы атом өнеркәсібінің ардагерлері мен қызметкерлерін, атап айтқанда, «Қазатомөнеркәсіп» ҰАК» АҚ қызметкерлерін кәсіби мерекелерімен шын жүректен құттықтайды!

Біз республикамыздағы ең жоғары технологиялық, ғылымды қажет ететін және табысты өндірістердің бірі – атом өнеркәсібі саласына сіңірген қажырлы еңбектеріңіз үшін сіздерге зор ризашылығымызды білдіреміз! Осы мереке күні атом өнеркәсібінің барлық қызметкерлеріне шын жүректен мықты денсаулық, мол бақыт және еліміздің игілігі жолындағы жұмыстарыңызға жаңа табыстар тілейміз!