Сәтбаев университеті азаматтық қорғаныс саласы бойынша Алматының ең үздік ЖОО-ы деп танылды

2025 жылғы наурыз айында өткен Дүниежүзілік азаматтық қорғаныс күні аясында Сәтбаев университеті Алматы қаласындағы жоғары оқу орындары арасында бірінші орынды иеленді. Университет төтенше жағдайлар кезінде дұрыс әрекет етуді үйретуге бағытталған іс-шараларға белсене қатысқаны үшін дипломмен марапатталды.

Марапаттау рәсіміне Алматы қаласы Төтенше жағдайлар департаментінің бастығы, полковник Нұрлан Атығаев қатысып, университет өкілдеріне дипломды салтанатты түрде табыстады.

Сәтбаев университеті тек болашақ инженерлерді даярлап қана қоймай, төтенше жағдайлар кезінде сауатты түрде әрекет ете алатын жауапты ұрпақты да қалыптастыруда. Мұндай маңызды іс-шараларға қатысу университет пен мемлекеттік құрылымдар арасындағы өзара байланысты нығайтып, студенттердің практикалық даярлығын арттырады. Сәтбаев университеті алдағы уақытта да қауіпсіздік, тұрақты даму және қоғамға қызмет ету бағыттарын дамытуды көздеп отыр.