Сәтбаев Университеті QS Asia University Ranking 2025 рейтингінде 89-орынға көтерілді

Макао қаласында өткен QS Higher Education Asia Pacific саммитінде жыл сайынғы QS Asia Universities 2025 рейтингінің қорытындысы шығарылды – Сәтбаев Университеті осы рейтинг бойыша 16 сатыға көтеріліп, 89-орынға ие болды.

Сонымен қатар Сәтбаев Университеті екі тарихи жетістікке жетті:

Қ.И.Сәтбаев атындағы ҚазҰТЗУ өз тарихында алғаш рет QS Stars сыйлығына ие болып, халықаралық серіктестермен бірге өзінің білім беру бағдарламаларының жоғары деңгейін дәлелдеді.

Сондай-ақ университет Азияның үздік 100 университеті қатарында өз позициясын айтарлықтай нығайтып, Азияның Макао университеті, Сингапур менеджмент университеті және Хиросима университеті секілді 4000 негізгі университеттерінің арасынан алға озып, Шанхай университеті, Пусан Ұлттық университеті сияқты жетекші университеттердің қатарына қосылды.

Естеріңізге сала кетейік, QS World University Ranking 2025 нәтижелері бойынша Сәтбаев Университеті қазіргі уақытта әлемнің барлық университеттері арасында 405-орын алады және QS World University Ranking by Subject рейтингісі бойынша 51–70-орындар аралығында.

Халықаралық аренадағы және жетекші білім беру рейтингіндегі беделді орын Сәтбаев Университетінің Орталық Азиядағы жетекші техникалық университет ретіндегі позициясын айқындайды.