Сәтбаев университеті «Студент және ғылым» атты студенттік конференцияға шақырады
2022-жылдың 12-сәуірінде Ақжан Машани атындағы Базалық білім беру институтының Ағылшын тілі кафедрасы сіздерді «Студент және Ғылым» атты VI ғылыми-практикалық конференцияға қатысуға шақырады.
Конференция жұмысының негізгі тақырыптық бағыттары:
- Техникалық білім беру жүйесіндегі ағылшын тілінің рөлі
- Өндірістегі инновация: студенттердің ойлары, сенімдері және қабылдауы
Техникалық білім беру жүйесіндегі барлық мамандықтар бойынша 1-4- курс студенттеріне конференцияға қатысуды ұсынамыз. Конференцияға қатысушы әрбір студент ғылыми-практикалық конференция қатысушысы сертификатын алу мүмкіндігіне ие болады. Үздік зерттеу жұмыстары дипломдармен/сыйлықтармен марапатталады.
Конференцияға қатысу формасы: оффлайн
Конференцияның өтетін орны: Алматы қаласы, Сәтбаев көшесі 22а, Satbayev University, бас оқу ғимараты, ауд. 603, 606.
Конференцияның жұмыс тілдері: қазақ, орыс, ағылшын.
Мақалалар конференция материалдарының жинағында жарияланады, ол тікелей конференцияда қатысушыларға беріледі. Барлық жұмыстар ғылыми жетекшімен бірлесіп авторлықта жарияланады.
Өтініштер 2022 жылдың 5 сәуіріне дейін stud.conference_2022@gmail.com электрондық поштасы арқылы қабылданады.
