Сәтбаев Университеті үздік қызметкерлерді марапаттады

Бүгін ректордың 2021–2024 жылдарға арналған есебі кезінде бірқатар қызметкерлер университеттің дамуына қосқан зор үлесі мен ерен еңбегі үшін мақтанышпен марапатталды. Олардың өз ісіне деген адалдығы, кәсіби біліктілігі және жоғары жетістіктерге деген ұмтылысы Сәтбаев Университетін одан сайын нығайтып, табысқа жеткізіп келеді. Солардың күш-жігерінің арқасында біз алға қарай жылжып, жаңа белестерді бағындырып отырмыз. Әріптестеріміздің зор еңбегін мойындап, оларға грамота табыстағаны үшін біз мемлекеттік органдарға алғыс білдіреміз. Университеттің дамуына қосқан сүбелі үлесі мен белсенді жұмысы үшін барлық қызметкерлерге үлкен рахмет! Біздің күшіміз – бірлікте!