Сәтбаев Университеті Webometrics рейтингінде өз позициясын жақсартты

Сәтбаев Университеті әлемдік университеттердің Webometrics рейтингінде жоғары көтеріліп, 3059-орынға шықты – бұл өткен жылмен салыстырғанда 378 позицияға жоғары. Рейтинг бойынша бұлай шарықтау – Сәтбаев Университетінің қызметі туралы халыққа ақпарат тарату жұмысының тұрақты түрде жүріп тұратындығының көрсеткіші.

Сәтбаев Университеті аталмыш рейтингте өз орнын сақтап қалу үшін және білім беру саласындағы көшбасшылығын нығайту мақсатында өз қызметінің сапасын арттыру, сөйтіп қоғаммен байланысын одан әрі дамыту жұмыстарын жалғастыруда.

Университет ұжымы сайтпен жұмыс істейтін әріптестерін құттықтай отырып, алдағы уақыттағы еңбектеріне мол табыс тілейді!