Талапкер
Студент
Түлек
Қызметкер
Курстар
Бизнес серіктес
Сәтбаев университетінде авторлық құқықты қорғаудың заманауи құралдары туралы дәріс тыңдалды
Сәтбаев университетінде «Авторлық құқық: заманауи цифрлық қорғау құралдары және осы саланы дамыту перспективалары» тақырыбында дәріс оқылды. Баяндамашы – университет түлегі, зияткерлік меншік және цифрлық құқық саласы бойынша сарапшы Қуат Баиров.
Ол өнер туындыларын пайдаланатын бизнес өкілдеріне, сондай-ақ шығармашылық жетістіктерін монетизациялауды қажет ететін авторларға арналған жаңа цифрлық құралдар туралы оқытушылармен және студенттермен бөлісті. Сонымен қатар тыңдаушыларды өнер туындыларын депониттеуге арналған AETIS онлайн-платформасының қызметтерімен және бизнеске арналған AUDOO фондық музыканың қызметімен таныстырды, олардың екеуі де авторлар мен бизнеске өзара тиімді ынтымақтастық орнатуға көмектеседі.
Ол сондай-ақ корпоративтік әлеуметтік жауапкершілік (CSR) пен тұрақты дамуды (ESG) күнделікті іскерлік тәжірибеге біріктіру креативті жобаларға қалайша қолдау көрсете алатынына, осылайша бүкіл қоғамға пайда әкелетініне көп көңіл бөлді.
Дәріс тыңдаушылар арасында үлкен қызығушылық тудырып, студенттерді өз құқықтарын қорғау мен шығармашылық жобаларды дамыту үшін цифрлық құралдарды белсенді түрде пайдалануға шабыттандыра түсті.
