Сәтбаев университетінде «Білім беру бағдарламасын әзірлеу» тақырыбында оқыту семинары өтті

2021 жылдың қараша айының 21 күні Академиялық мәселелер жөніндегі департаменттің қатысуымен оқу-әдістемелік бөлімі «Білім беру бағдарламасын әзірлеу» тақырыбында тренинг-семинар өткізді.

Тренинг барысында академиялық мәселелер жөніндегі департамент директорының орынбасары Солтабаева С.Т және оқу-әдістемелік бөлімнің басшысы Жумагалиева А.С. Университеттің білім беру бағдарламаларын әзірлеу және өзгерістер енгізу жайлы баяндама жасады.

Бұл шараға институт директорларының оқу-әдістемелік жөніндегі орынбасарлары мен кафедра меңгерушілері қатысып, өз ойларын қосып, талқылады. Нәтижесінде білім беру бағдарламасының үлгісін дайындап, 2022 жылдың қаңтар айында осы шараны қайта өткізуі туралы ортақ шешім қабылданды.