Сәтбаев университетінде инжинирингтік қызмет көрсету орталығы ашылады

Сәтбаев университетінің базасында инжинирингтік қызмет көрсету жөніндегі ғылыми-технологиялық орталық ашылады. Бұл туралы оқу орнының ғалымдары «Тау-кен Самұрық» Ұлттық тау-кен компаниясы» АҚ-ның өкілдерімен кездесу барысында өзара келісімшарт жасады. Сәтбаев университетінің өкілдері өзара ынтымақтастық туралы идеяларымен бөлісіп, университеттің мүмкіндіктерімен таныстырды. Кездесуге қатысушылар Сәтбаев университетінің базасында инжинирингтік қызмет көрсету жөніндегі ғылыми-технологиялық орталық ашу мәселесіне басты назар аударды.

Кездесу барысында сондай-ақ Сәтбаев университетінің геологиялық ақпараттар базасымен де бірлесе жұмыс істеу туралы мәселе талқыланды.