Сәтбаев Университетінде Қазақстандағы атом энергетикасының болашағы туралы пікірталас жалғасуда

Сәтбаев Университетінің студенттері бүгінгі өткен «Қазақстанға атом электр станциялары не үшін қажет?» атты жастар ғылыми конференциясында Қазақстанда атом энергетикасын дамыту мәселелерін тағы да талқылады. Студенттер оқытушылардың жетекшілігімен тұрақты энергия өндірудің негізгі аспектілеріне және АЭС құрылысының басқа да артықшылықтарына тереңдете зейін қойды.

Бастама «Атом электр станцияларының SWOT талдауы» атты интерактивті ойынын өткізуден кейін басталып, оған әртүрлі мамандықтардың студенттері, соның ішінде болашақ ядролық физиктер, энергетиктер, химиктер және экологтар үлкен қызығушылық танытты. Студенттер оқытушылармен және шақырылған сарапшылармен бірлесе отырып, атом электр станцияларының артықшылықтары мен кемшіліктерін сараптады, сөйтіп әсіресе энергетикалық жүйелердің ұзақ мерзімді тұрақтылығына және қоршаған орта қауіпсіздігіне ерекше назар аударды.

Талқылаулар аясында қатысушылар халықаралық жағдайлар мен басқа елдерде АЭС-ті сәтті түрде іске енгізу мысалдарын зерделеді. Бұл шешімдерді Қазақстан жағдайларына қалай бейімдеуге болады деген мәселеге ерекше назар аударылды. Болашақ инженерлер мен энергетиктер атом энергиясымен қамтамасыз ете алатын тұрақты энергия өндірісінің артықшылықтарын талқылап, оны дәстүрлі және жаңартылатын энергия көздерімен салыстырды.

Сәтбаев Университетінің профессорлары мұндай бастамалар студенттерге тек теориялық аспектілерді ғана емес, сонымен қатар атом электр станцияларын жобалау мен пайдаланудың практикалық мәселелерін тереңірек түсінуге көмектесетінін атап өтті. Бұл әсіресе Қазақстанның энергетика саласын дамытуға зор үлес қоса алатын жоғары білікті мамандарды даярлау үшін өте маңызды.