Сәтбаев университетінде күн электр станцияларын цифрлық ортаға орнату бойынша конкурс өтті

Алматы институттарының төрт командасы Сәтбаев университетінде кездесіп, «VR-технологияларын қолдану арқылы күн электр станциясын орнату» атты байқауда өздерінің бақтарын сынады. Оқудың жаңа технологиялары жарыстың негізгі элементі ретінде аталды, бұл қатысушыларға күн электр станцияларымен жұмыс істеу барысында практикалық тәжірибе меңгеріп, бәсекеге қабілетті болуға мүмкіндік берді.

Сәтбаев университеті VR-технологияларын кеңінен пайдаланады, өйткені ол студенттерге виртуалды кеңістікке енуге және жаңартылатын энергия көздерін орнатуда тәжірибе жинақтауға мүмкіндік беретін. Университет оқытушылары осы тәжірибені басқа университеттердің студенттеріне үйреткісі келеді.

Қазылар алқасының төрағасы, Сәтбаев университеті «Энергетика» кафедрасының профессоры Еркін Хидолда бұл байқау студенттерге тәжірибе жинақтауға ғана емес, сонымен қатар жаңартылатын энергия көздерінің сұранысқа қаншалықты ие екендігі туралы түсінік беретінін де атап өтті:

– Біздің студенттер, – деді ол, – күн электр станцияларын жобалау мен орнату жұмыстарын үйреніп жүр, бұл болашақта оларға осы перспективалы салада жұмыс істеуге көмектеседі. Әрине, олар әлі де үйренуі керек, дегенмен олар қазірдің өзінде кәсіби тұрғыда дамуының негізі болатын құнды тәжірибе жинақтап жүр.

Жарысқа Navi (Әл-Фараби атындағы ҚазҰУ), Team spirit (ALT University), Energo (AУЭиС) және Electro (Сәтбаев университеті) командалары қатысты. Байқау екі кезеңнен тұрды: бірінші кезеңде қатысушылар VR-көзілдірігін қолдану арқылы практикалық тапсырма орындаса, екіншісінде – жаңартылатын энергия теориясы бойынша блиц-сұрақтарға жауап берді. Нәтиже бойынша ALT университетінің командасы жеңіске жетті, ал Сәтбаев университетінің командасы 2-орынды иеленді. Жеңімпаздар бағалы сыйлықтармен марапатталды және өз білімдерін нақты инженерлік жобаларда қолдануға мүмкіндік алды.

Сәтбаев университеті озық энергетикалық шешімдермен жұмыс істей алатын мамандар даярлай отырып, білім беру үрдісіндегі инновациялық тәсілдерді одан әрі дамытып келеді. Бұл байқау қатысушылар үшін үлкен сынақ қана емес, сонымен қатар Қазақстанда жаңартылатын энергетиканы дамытуға үлес қосуға дайын болатын жаңа буын инженерлерді қалыптастыру жолына жасалған қадам болды.