Сәтбаев Университетінде шақырылған профессорлардың дәрістері басталды

Satbayev University-не «Шақырылған шетелдік ғалымдар» бағдарламасы бойынша келетін әлемнің үздік университеттерінің профессорларын қарсы алды.

Университетке еуропалық жоғары оқу орындарының ғалымдары – Адам Мицкевич атындағы университеттің (Польша) профессоры Агата Дучмаль-Черникевич және Деггендорф технологиялық институтының (Германия) профессоры Дмитрий Рычков келді.

Бағдарлама аясында профессорлар Satbayev University студенттері мен оқытушылары үшін дәрістер, мастер-класстар мен тренингтер өткізеді, сондай-ақ біздің профессорларымызбен бірге жарияланымдар үшін ғылыми мақалалар дайындауға қатысады.

Қонақтар Тянь-Шань тауларында теңіз деңгейінен 3340 метр биіктікте орналасқан Физика-техникалық институтының биік таулы Ғарыштық сәулелер ғылыми станциясына барды. Профессорлар біздің ғалымдарымыздың жұмысымен танысып, алдағы ынтымақтастық туралы келісті.