Сәтбаев Университетінде Жалпықалалық сейсмикалық жаттығулар өтті

Сәтбаев Университетінде Азаматтық қорғаныс, өрт қауіпсіздігі және еңбекті қорғау штабының ұйымдастыруымен Жалпықалалық сейсмикалық оқу-жаттығулары өтті. Дайындыққа  студенттер мен қызметкерлер қатысты.

Іс-шараның мақсаты – төтенше жағдай орын алған кезде қызметкерлер мен студенттердің әрекет етуге дайындығын тексеру, сондай-ақ тұрғындарды эвакуациялау және төтенше жағдайлар қызметімен өзара іс-әрекет дағдыларын жаттықтыру болды. Іс-әрекетті үйлестіру мен оның жылдамдығына ерекше назар аударылды, өйткені төтенше жағдайларда бұл – негізгі фактор болып табылады.

Барлық қатысушылар өздерінің жоғары дайындықтары мен қатаң тәртіпті көрсете отырып, берілген тапсырмаларды сәтті орындап шықты.

Ал ұйымдастырушылар барлық студенттер мен қызметкерлердің қауіпсіздігін қамтамасыз ету үшін мұндай дайындық өткізу маңызды екенін атап өтті, сонымен қатар іс-шараның сәтті өтуіне қатысқандары үшін оларға алғыс білдірді.