30 тамыз 2020 391

Сәтбаев университетіне магистратураға түсу үшін қажетті шектік балл көлемдері

Сәтбаев университетіне магистратураға түсу үшін қажетті шектік балл көлемдері

Мемлекеттік білім беру тапсырысы бойынша конкурстық негізде оқуға КТ бойынша ең жоғары балл жинаған тұлғалар қабылданады:

1) ғылыми-педагогикалық және бейіндік магистратура үшін, оның ішінде білім беру бағдарламаларының топтары бойынша-кемінде 75 балл;

2) ағылшын тілінде оқытылатын магистратура үшін-кемінде 50 балл.

 

Магистратураға тұлғаларды қабылдау кешенді тестілеудің қорытындысы бойынша 1-қосымшаға сәйкес қазақ және орыс тілінде оқытатын магистратураға кешенді тестілеу үшін бағалаудың 150 балдық жүйесінің шкаласына сәйкес жүзеге асырылады: кемінде 75 балл, оның ішінде шет тілі бойынша – кемінде 25 балл, білім беру бағдарламалары тобының бейіні бойынша: бір дұрыс жауапты таңдаумен – кемінде 7 балл, бір немесе бірнеше дұрыс жауапты таңдаумен – кемінде 7 балл, оқуға дайындығын анықтауға арналған тест бойынша – кемінде 7 балл.

Оқыту ағылшын тілінде жүргізілетін магистратураға тұлғаларды қабылдау 2-қосымшаға сәйкес кешенді тестілеу үшін 100 баллдық бағалау жүйесінің шкаласына сәйкес кешенді тестілеу қорытындысы бойынша жүзеге асырылады: кемінде 25 балл, оның ішінде оқуға дайындығын анықтауға арналған тест бойынша – кемінде 7 балл, білім беру бағдарламалары тобының бейіні бойынша: бір дұрыс жауапты таңдаумен – кемінде 7 балл, бір немесе бірнеше дұрыс жауапты таңдаумен – кемінде 7 балл.

Ақылы негізде магистратураға тұлғаларды қабылдау КТ үшін бағалаудың 150 балдық жүйесінің шкаласына сәйкес қазақ немесе орыс тілінде оқытатын магистратураға кемінде 50 балл, бұл ретте шет тілі бойынша-кемінде 25 балл, білім беру бағдарламалары тобының бейіні бойынша: бір дұрыс жауапты таңдаумен – кемінде 7 балл, бір немесе бірнеше дұрыс жауапты таңдаумен – кемінде 7 балл, оқуға дайындығын анықтауға арналған тест бойынша – кемінде 7 балл КТ қорытындысы бойынша жүзеге асырылады.

Толық ақпарат Қазақстан Республикасы Білім және ғылым министрлігінің Ұлттық тестілеу орталығының сайтында.

Жоғары

Қате кетті!

Жолдарды дұрыс толтыруға тырысыңыз.

Сіздің мәліметтеріңіз сәтті жіберілді!

Жақын арада біз Сізбен хабарласамыз.

Аудармасы жоқ


Басты парақшаға өту