7 ақпан 2022 17214

Сәтбаев университетінің Әскери институтына құжаттарды қабылдау ашық

Сәтбаев университетінің Әскери істер институтында (әскери кафедрада) 2022 жылғы 7 ақпаннан Қ.И. Сәтбаев атындағы ҚазҰТЗУ, ҚБТУ, АЭжБУ, ҚазИТУ студенттерінен запастағы офицерлер және сержанттар бағдарламалары бойынша оқу үшін іріктеу конкурсына қатысуы үшін өтініштерді қабылдау жүргізіледі.

Қабылдау комиссиясының жұмыс уақыты: күн сайын сағат 9.00-ден 16.30 - ға дейін. Сенбі және жексенбі-демалыс күндері. Түскі үзіліс – 12.30 – 13.30 - ға дейін.

Оқуға конкурсты өткізетін жылы жасы 24-тен аспаған Қазақстан Республикасының азаматтарына (жігіттер және қыздар) рұқсат етіледі.

Қыздар запастағы офицерлерді даярлау бағдарламасы бойынша ғана білім алады.

Запастағы офицерлерді дайындау бағдарламасы бойынша оқуға іріктеу конкурсына қатысу үшін өтініштер бірінші курс (4 жылдық оқыту) және екінші курс (5 жылдық оқыту) студенттерінен қабылданады.

Запастағы сержанттарды дайындау бағдарламасы бойынша оқуға іріктеу конкурсына қатысу үшін өтініштер бірінші және екінші курс студенттерінен (4 жылдық оқыту) және бірінші, екінші және үшінші курс студенттерінен (5 жылдық оқыту) қабылданады. Қысқартылған бағдарлама бойынша оқитын студенттер оқуға тек қана запастағы сержанттарды дайындау бағдарламасы бойынша қабылданады.

ҚБТУ, АЭжБУ, ҚазИТУ (Қазақ инженерлік-тхнологиялық университеті) студенттерін запастағы офицерлер бағдарламасы бойынша, сонымен қатар ҚазҰТЗУ, ҚБТУ, АЭжБУ, ҚазИТУ студенттерін запастағы сержанттар бағдарламасы бойынша оқыту теқ қана өтеулі негізде жүргізіледі.

Оқыту әскери күн әдісімен жүргізіледі, яғни аптасына бір күн. Запастағы сержанттар бағдарламасы бойынша оқытудың мерзімі – 1 жыл; запастағы офицерлер бағдарламасы бойынша – 2 жыл.

Конкурстық іріктеу төрт кезеңмен өткізіледі.

1-кезең

Қорғаныс істері жөніндегі басқармаларында медициналық куәландырудан өту. Медициналық куәландырудан өту үшін көрсетілген мекенжайға келіп және медициналық куәландыруға жолдау қағазын және медициналық карта алу қажет, өзімен бірге болуы тиіс:

Жеке куәлігі (түпнұсқасы және көшірмесі);
Тіркеу куәлігі немесе әскери билеті (түпнұсқасы және көшірмесі);
3х4 өлшемді 2 (екі) фотосуреті;
Сотталғанының бар болуы немесе жоқ екендігі туралы анықтама;
Студенттің ЖОО-да нақты оқитыны туралы, факультет деканымен қол қойылған анықтама.

Медициналық куәландыру Қорғаныс істері жөніндегі басқармаларында әскери есепке алу орындары бойынша (бөтен қалалық студенттер уақытша тіркеу орны бойынша әскери есепке тұрулары тиіс). Медициналық куәландыру карталарын тапсырудың мерзімі 2022 жылғы 21 маусымға дейін.

Өтініш берген және медициналық куәландыру карталарын тапсырған студенттер конкурстық іріктеудің келесі кезеңіне жіберіледі.

2-кезең

Кәсіби-психологиялық тестілеуді өткізу.

3-кезең

Дене даярлығын тексеру.

4-кезең

Рейтингтік балл есептеулеріне сәйкес жүзеге асырылатын конкурстық іріктеу.

2, 3 және 4 кезеңдер ОФЛАЙН режимінде 2022 жылғы шілденің 4-нен 15-не кезеңінде өткізіледі.Конкурстың әрбір кезеңінен тек қана бір рет өтуге рұқсат етіледі. Әскери кафедраға кіру QR-код Ashyq бойынша жүзеге асырылады. Мекенжайы: Алматы қ, Байтұрсынұлы к-сі, 140, (Тимирязев көшесінің қиылысы).

Сұрақтар бойынша мына телефондарға хабарласыңыздар: 292-00-87; 292-64-53 – кезекші инспектор.

*Дене даярлығы бойынша студент-жігіттер үшін нормативтер

№ р/н	Бақылау жаттығулары	Баға
№ р/н	Бақылау жаттығулары	«5»	«4»	«3»
1.	100 м (с) жүгіру	14,2	14,5	15,0
2.	3000 м (мин) жүгіру	13,00	15,00	16,00
3.	Биік белдемеге тартылу (саны)	12	10	8

*Дене даярлығы бойынша студент-қыздар үшін нормативтер

№ р/н	Бақылау жаттығулары	Баға
№ р/н	Бақылау жаттығулары	«5»	«4»	«3»
1.	100 м (с) жүгіру	16,0	16,5	17,0
2.	2000 м (мин) жүгіру	10,00	11,3	12,2
3.	Арқада жатып, қолы басының артында жағдайынан денесін көтеру (саны)	25	20	15