Сәтбаев Университетінің Энергетика және машина жасау институтында Borusan Cat аудиториясы ашылды

Сәтбаев Университетінің 90 жылдық мерейтойына орай Сәтбаев Университетінің ректоры Мейрам Бегентаев пен «Borusan Cat Қазақстан» компаниясының бас директоры Аман Шәкенов «Borusan Cat Қазақстан» аудиториясын салтанатты түрде ашты, олар жаңа аудитория әлемді өзгерте алатын жаңа идеялар мен жаңа шешімдер туатын құтты мекенге айналады деген сенім білдірді.

Жаңа аудитория – жай ғана оқу алаңы емес, бұл студенттерге Caterpillar компаниясының соңғы технологиялары мен жабдықтарын тікелей пайдалануға мүмкіндік беретін бірегей алаң болып табылады. Аудиторияға Caterpillar компаниясының компоненттері бар көрме сөрелері, тау-кен өндіру техникасының модельдері бар стендтер, сондай-ақ интерактивті панель қойылған, бұл панельдің көмегімен машина жүйелерінің жұмысын және әртүрлі тапсырмалардың орындалу процесін көрнекі түрде тамашалауға болады.

Аудитория студенттерге озық технологиялар мен жабдықтарды үйренуге тәжірибелік мүмкіндіктер беретін оқу және инновациялық орталыққа айналады, әрі бұл жас мамандарды энергетика, инженерия және басқа да негізгі секторлардың нақты қиындықтарына төтеп беруге дайындаудың маңызды бөлігі болып табылады.

Borusan Cat – құрылыс, тау-кен және ауыл шаруашылығы техникасын өндіру, сондай-ақ дизельді және табиғи газ қозғалтқыштары мен генераторларын өндіру бойынша әлемдегі ең ірі Caterpillar компаниясының жабдықтарын сату, жалға беру және қызмет көрсету бойынша маманданған компания. Өзінің құрылған күнінен бастап бүгінгі күнге дейін Borusan Cat – Caterpillar брендінің әлемдегі ең үздік дилерінің бірі болып отыр. Компания Түркияда, Әзірбайжанда, Грузияда, Қазақстанда, Қырғызстанда және Ресейдің Қиыр Шығысында табысты түрде жұмыс істейді. Borusan Cat компаниясының негізгі қызмет бағыты – құрылыс, пайдалы қазбаларды өндіру, энергетика және көлік қызметі. Ал Қазақстанда Borusan Cat – тау-кен, құрылыс және энергетика салаларында маңызды серіктес болып табылады.