Сәтбаев Университетінің ғылым жөніндегі проректоры Power Sunrise Holdings компаниясының өкілдерімен кездесті

2021 жылғы 29 қазанда Сәтбаев Университетінің ғылым және халықаралық ынтымақтастық жөніндегі проректоры А.Шоқпаров оңтүстіккореялық Power Sunrise Holdings limited компаниясының өкілдерімен кездесті. Сәтбаев Университеті атынан кездесуге сонымен қатар әлеуметтік-мәдени даму жөніндегі проректор М.Әлімханов, инфрақұрылымды дамыту жөніндегі департаменттің директоры Р.Тыныбеков, халықаралық ынтымақтастық департаментінің директоры А.Адылбеков қатысты. Ал Оңтүстік Кореяның Power Sunrise Holdings limited компаниясының атынан компания төрағасы И Чангсу, төраға орынбасары И Чангсонг және компания менеджері И Джонхён қатысты.

Тараптар Сәтбаев Университеті мен Power Sunrise Holdings limited арасындағы алдағы ынтымақтастық қарым-қатынас бағыттарын талқылады. Атап айтқанда, тараптар университет қалашығының аумағында қажетті нысандар салу жөнінде әртүрлі ұсыныстар жасап, оны талқыға салды.