Сәтбаев университетінің қызметкерлері мен студенттері «Мұражай түні-2019» іс-шарасына қатысты
«Мұражай түні» – халықаралық жоба, осы жобаның арқасында мұражайға келушілер еліміздің тарихы мен мәдениетінің жаңа беттерін, өз дамуының жаңа қырларын және өзін-өзі танытуға мүмкіндік алады.
Мұражайлардың халықаралық мерекесі қарсаңында Қазақстан Республикасының Мемлекеттік орталық мұражайы «Жастар: бастамалар, жетістіктер» ұранымен «Мұражай Түні-2019» атты іс-шара өткізді. Бұл шара жастардың бастамалары мен жаңашыл идеяларын қолдауға бағытталған. Іс-шараға қатысқан әл-Фараби атындағы ҚазҰУ, ҚазМемҚызПИ, Абай атындағы ҚазҰПУ, Т.Жүргенов атындағы Қазақ ұлттық өнер академиясы, «Тұран» университеті, ХАТУ, Ж. Елебеков атындағы Республикалық эстрадалық-цирк колледжі, Қазақ спорт және туризм академиясы, ҚазБҚСА, Қазақ ұлттық аграрлық университеті, О.Таңсықбаев атындағы Алматы сәнді-қолданбалы өнер колледжі, «Сымбат» сән бизнесі академиясының ең үздік студенттері жиналған Даңқ аллеясында ҚазҰТЗУ-ды Қажымұқан Қалиев таныстырды.
Кәсіптік бағдар беру аясында «Робототехника» кафедрасының, сонымен қатар келушілердің арасында ерекше қызығушылық тудырған «Сәулет және дизайн» кафедрасының жобалары ұсынылды.
Студенттік мәселелер жөніндегі департамент директорының орынбасары Әйгерім Бақдәулетқызы құттықтау сөзін сөйлеп, Қ. И. Сәтбаевтың 120 жылдығына арналған экспозицияны Орталық мұражай мен ҚазҰТЗУ-дың Тарихи мұра орталығы ынтымақтастығының нәтижесі ретінде атап өтті.
Көрермендердің ерекше шаттығына бөленіп, мерекелік концерттік бағдарламаны әрі қарай 1-курс студенті Ғаббасов Жәнібек жалғастырды.
