Сәтбаев Университетінің ректоры университет командасына сәттілік тіледі

24 наурыз күні Алматы қаласындағы Саду үлкен аренасында (мекенжайы: Sadu Arena, Алматы қ., Әл-Фараби даңғ., 128/7) спорттың джиу-джитсу түрінен чемпионат өтеді. Оған еліміздің түкпір-түкпірінен, сондай-ақ алыс және жақын шетелдерден келетін командалар қатысады. Чемпионатқа Сәтбаев Университетінің ұлттық құрама командасы да қатысады. Бұл ашық чемпионатты университетіміздің қолдауымен Samurai академиясы өткізеді.

Университет командасы осы соңғы айда ғана жасақталды. Оның құрамына үздік спортшыларымыз енді. Университет ректоры Мейрам Бегентаев құрама командаға сәттілік пен жеңіс тілеп, команда мүшелеріне кимоно киімін сыйға тартты.

Спорт сайысына келіңіздер! Біздің командаға жанкүйер болыңыздар!