Сәтбаев Университетінің Ректоры Жоғары білім беру қызметкерлері күнімен құттықтайды

Құрметті профессорлар, оқытушылар! Қадірлі әріптестер!

Сіздерді Жоғары білім беру қызметкерлері күнімен құттықтауға рұқсат етіңіздер! Бұл күн – жоғары білім беру ісіндегі қажырлы еңбектеріңіз бен өз қызметтеріңізге адал берілгендіктеріңіз үшін Сіздердің әрқайсыңызға зор алғыс білдіруге тамаша мүмкіндік.

Бүгінде Сәтбаев Университеті көрнекті ғалымдар мен ұлағатты ұстаздар, атап айтқанда, Қаныш Сәтбаев пен Өмірхан Байқоңыров сынды кемеңгер тұлғалар салып кеткен дәстүрді мақтанышпен одан әрі жалғастыруда. Олардың өсиеттерін орындай отырып, сіздер студенттерге білім беріп қана қоймай, олардың бойында жауапкершілік пен мамандыққа деген сүйіспеншілікті оятып, жеке тұлға ретінде қалыптасуына көмектесіп жүрсіздер.

Университетте оқып, білім алатын төрт жыл ішінде Сіздер студенттерге қамқорлық жасап, оларды ең басты маңызды миссияға – Қазақстанның болашағын құрушылар етіп даярлайсыздар. Сіздердің қосқан үлестеріңізге баға жетпейді, ал университет қабырғасынан түлеп ұшқан әрбір студент Сіздер берген білімнің, шыдамдылықтарыңыз бен даналықтарыңыздың бір бөлшегін өзімен бірге ала кетеді. Сол үшін де Сіздерге мың алғыс!

Сіздерге зор денсаулық, бақ-береке, жаңа шабыт пен біздің ортақ мақсатымыз – Қазақстанда жоғары білім беру жүйесінің дамуы мен өркендеуі жолында жаңа жетістіктер тілеймін!

Құрметпен,
Сәтбаев Университетінің Ректоры
Мейрам Бегентаев