Сәтбаев университетінің студенттері философияның биік шыңдарын бағындыруда

Әл-Фараби атындағы ҚазҰУда философия пәнінен Республикалық пәндік олимпиада өтті. Сәтбаев университетінің «Science lab» студенттік командасы аталған олимпиадаға қатысып, жүлделі орынға ие болды. Команда құрамы: Маржан Қойшин, Дана Омурзакова және Балдана Кенжетай. Жетекшілері: «Қоғамдық пәндер» кафедрасының оқытушылары болды.

Олимпиада бағдарламасының талабына сай, команда бейнероликтер, презентациялар және эрудициялық тапсырмалар арқылы философия мен техника ғылымдарының байланысын жоғары деңгейде көрсете білді. Команда техника ғылымының өзекті философиялық мәселелері мен оларды шешу жолдарын атап көрсетті.

Олимпиадаға Қазақстанның әртүрлі қалаларынан жоғары оқу орындарынан 12 команда қатысты.  Соның ішінде әл-Фараби атындағы ҚазҰУ, Л.Н. Гумилев атындағы Еуразия ұлттық университеті, Е.А. Бөкетов атындағы Қарағанды ​​мемлекеттік университеті, М.Әуезов атындағы  Оңтүстік Қазақстан университетінің студенттері  аналитикалық және сыни тұрғыдан ойлауға арналған тапсырмалар бойынша білімі мен қабілеттерін көрсетіп, біздің командаға мықты бәсекелес болды.

Комиссия мүшелері Сәтбаев университетінің «Science lab» командасының дайындығын жоғары бағалап, жүлделі 3 орынмен марапаттады.

Жеңімпаздарды құттықтаймыз!