Satbayev University базасында 2025 жылғы Қазақстанның ұлттық спидкубинг чемпионатын өткізеді

2025 жылғы 15–17 тамыз аралығында Satbayev University қабырғасында Қазақстанның спидкубинг бойынша Ұлттық чемпионаты өтеді — бұл Дүниежүзілік спидкубинг қауымдастығының (World Cube Association, WCA) қолдауымен өтетін ауқымды жастар спорттық іс-шарасы.

Спидкубинг — бұл интеллектуалды спорт түрі, онда қатысушылар түрлі басқатырғыштарды (соның ішінде Кубик-Рубик текшесін) жылдам әрі дәл құрастыруда жарысады. Бұл спорт түрі логиканы, стратегиялық ойлауды, математикалық ой-өрісті және қолдың дәл қимылын талап етеді. Чемпионат аясында 17 түрлі дисциплина бойынша жарыстар өтеді, әрқайсысында 2–3 раунд жоспарланған.

2022 жылы өңірдегі ең ірі спидкубинг оқиғаларының бірі — Азия чемпионаты Астанада сәтті өтті. Бұл шара құрлықтың түкпір-түкпірінен қатысушыларды жинап, Қазақстанда осы интеллектуалдық спорт түріне деген жоғары қызығушылық пен ұйымдастыру деңгейін көрсетті.

2024 жылы өткен ұқсас чемпионат 100-ден астам қатысушыны жинаған, олардың орташа жасы 16 жас болған. Биылғы чемпионатты Satbayev University қабырғасында өткізу — жасөспірімдер мен талапкерлер үшін университеттің инфрақұрылымы, білім беру бағдарламалары және кампусымен танысудың бірегей мүмкіндігі. Сонымен қатар, қатысушылар үшін университетке экскурсия ұйымдастырылады және оқу орнының өкілдерімен кездесу өткізіледі.

Жарыстың әділ әрі халықаралық талаптарға сай өтуін қамтамасыз ету мақсатында үш ресми WCA делегаты қатысады.

Ұйымдастырушылар барлық техникалық және ұйымдастырушылық мәселелерді өз мойнына алады. Іс-шара тіркеу жарналары есебінен қаржыландырылады, бұл тек ұйымдастыру шығындарын жабуға бағытталған.

Чемпионат туралы барлық ақпарат WCA сайтының ресми бетінде қолжетімді: Cubing Kazakhstan Nationals 2025.

Баршаңызды 15–17 тамыз күндері Satbayev University-де өтетін Қазақстан Республикасының спидкубинг бойынша Ұлттық чемпионатына қонақ болуға шақырамыз!