Satbayev University мен Алматы қаласының прокуратурасы құқықтық мәдениетті дамыту және ғылыми ынтымақтастықты нығайту үшін күш біріктірді

Satbayev University мен Алматы қаласының прокуратурасы құқықтық мәдениетті дамытуға, экология және ақпараттық қауіпсіздік салаларындағы өзекті мәселелерді бірлесе шешуге бағытталған өзара түсіністік пен ынтымақтастық туралы Меморандумға қол қойды.

Сапар барысында Алматы қаласының прокуроры Серік Кәріпбеков университеттің ғылыми жобаларымен және зертханаларымен танысып, ғалымдармен бірге практикалық ынтымақтастықтың келешегін талқылады.

Университет пен қадағалаушы орган арасындағы ынтымақтастық туралы Меморандум экология, цифрлық қауіпсіздік және Алматы қаласының тұрақты дамуы салаларындағы өзекті мәселелерді шешуге бағытталған бірлескен іс-шаралар өткізу мен білім және тәжірибе алмасуды көздейді.