Satbayev University өз студентін — Олимпиада чемпионы Александра Лені қарсы алды

Александра Ле Париждегі 2024 жылғы Олимпиададан оралып, Ислам Сатпаевпен бірге пневматикалық винтовкадан 10 метр қашықтыққа аралас жұптық нысанадан көздеу сайысында қола медаль жеңіп алды.

Satbayev University талантты спортшы студентімен мақтанады, өйткені ол Қазақстанға осы Олимпиадада алғашқы медалін ғана әкеліп қоймай, 1996 жылдан бері қазақ спортшылары жете алмаған спорт түрінде жеңіске жетті, сонымен қатар, бұл жетістік университеттің 90 жылдығына  орай орын алды.

— Барлық студенттерімізді және сүйікті университетімдегі достарымды 90 жылдық мерейтойымен құттықтаймын. Мен үшін өз альма-матерімнің және сүйікті Қазақстанымыздың атынан өнер көрсету үлкен құрмет», — деді Александра.

Халықаралық дәрежедегі спорт шебері және Қазақстан Республикасының ұлттық құрамасының мүшесі Александра Satbayev University Жобаларды басқару институтының студенті болып табылады. Ол мұнда «Бизнес-инжиниринг» мамандығы бойынша білім алып, нысанадан көздеу спортын қатар алып жүр. Александраның ұстаздары бойжеткеннің спортта да, бизнесте де үлкен жетістіктерге жететініне сенімді. 

Александра Ле мен Ислам Сатпаевты қола медальдарымен құттықтаймыз! 

Сіздерге зор денсаулық пен сәттілік тілейміз!