Satbayev University студенттерді "Жерге орналастыру" мамандығы бойынша XVI Республикалық олимпиадаға қатысуға шақырады

Республикалық студенттік пәндік олимпиада 29-30 сәуірде Алматы қаласында, Satbayev University базасында, "Жерге орналастыру" білім беру бағдарламасы бойынша білім алушылар арасында (қазақ және орыс тілдерінде) өтеді. Олимпиадаға 2-4 курс студенттерін — олимпиаданың ЖОО ішіндегі 1 кезең жеңімпаздарын шақырамыз. 

Олимпиада пәндері:

• Геодезия;
• Жер ресурстарын басқару;
• Жерге орналастыруды жобалау;
• Жерге орналастырудың теориялық негіздері.

Олимпиаданы өткізу күні мен орны:

29 сәуір: тіркелу, олимпиаданың ашылуы, тапсырмаларды орындау.

30 сәуір: қорытынды шығару, жеңімпаздарды марапаттау және олимпиаданың жабылуы.

Satbayev University тау-кен металлургиялық корпусы, 228 және 257 кабинеттер.

Қатысу шарттары:

Әр ЖОО қатысушылар саны 3-тен аспауы тиіс, командалар саны — 2-ден аспауы тиіс.

Өтінімдер 2024 жылғы 25 сәуірге дейін электрондық пошта арқылы қабылданады: y.zhakypbek@satbayev.university