Талапкер
Студент
Түлек
Қызметкер
Курстар
Бизнес серіктес
Environmental Sciences
баға
-
Мемлекеттік гранттар конкурсына қатысу үшін өтінішті қалай толтыру керек?
1. Өтініш бермей тұрып, Сәтбаев университетінің өзіңізге ұнаған білім беру бағдарламасының біреуін таңдап алыңыз; әрине, ол бағдарлама сіз ҰБТ кезінде тапсырған бейінді пәндерге сәйкес келуі керек.
2. Білім беру бағдарламалары тобынан өзіңіз таңдаған бағдарламаның код номерін жазып алыңыз (кестедегі «Білім беру бағдарламаларының тобы» деген бағанда).
3. Грант алу үшін толтырылған өтінішке осы топтың код номері мен Сәтбаев университетінің код номерін жазыңыз (Қ.И.Сәтбаев атындағы Қазақ ұлттық техникалық зерттеу университеті): 029.
Инновациялық білім беру бағдарламасы климаттың өзгеруі, экожүйенің деградациясы, қоршаған ортаның ластануы және табиғатты тұрақты пайдалануды қоса алғанда, заманауи экологиялық проблемаларға жауап ретінде экологиялық инженерия саласында ғылыми негізделген шешімдерді әзірлеуге қабілетті жоғары білікті мамандарды даярлауға бағытталған.
Диссертацияны қорғағаннан кейін бағдарлама түлегі PhD докторы ғылыми дәрежесін алып шығады. Еуропалық комиссия, Еуропа кеңесі және ЮНЕСКО/ СЕПЕС стандарттарына сәйкес әзірленген ECTS қосымшасы дипломға қоса беріледі. Қосымшада Еуропалық несиені аудару және жинақтау жүйесі (ECTS) пайдаланылады, ол бітірушінің біліктілігін халықаралық академиялық және кәсіби кеңістікте тануға мүмкіндік береді.
Бағдарлама жетекші университеттер мен ғылыми орталықтардың халықаралық тәжірибесін талдауға негізделіп әзірленген. Әсіресе табиғатты пайдалану саласында экологиялық таза технологиялық процестерді жасауға, экологиялық мониторингті жүргізуге және ұтымды менеджментті жүзеге асыруға қабілетті өндіріс саласы үшін қажетті докторанттарды даярлауға баса назар аударылады.
Докторанттар табиғи және антропогендік экожүйелерді зерттейді; қоршаған ортаны бақылау, экожүйелердің қоршаған ортаға әсерін талдау және бағалау әдістері; экологиялық таза технологиялық процестерді жобалау және пайдалану; қоршаған ортаны қорғау үшін заманауи биотехнологияларды, нанотехнологияларды және цифрлық шешімдерді қолдану; тұрақты даму үшін климаттық процестер мен бейімделу стратегиялары; экологиялық тәуекелдерді бағалау және ресурстарды басқару (су, жер, биологиялық) жолдарын меңгеріп шығады.
Бағдарламаның міндетті бөлігі – жеке диссертациялық зерттеу жұмысын орындау; өндірістік тәжірибе; эксперименттік зерттеу қызметі; алыс және жақын шетелдердің ғылыми мекемелері мен оқу орындарында шетелдік тағылымдамадан өту болып табылады.
Бағдарламаның түлектері тау-кен, металлургия, мұнай-газ, машина жасау және химия өнеркәсібі салаларында, сондай-ақ халықаралық және ұлттық экологиялық ұйымдарда, тұрақты даму және климаттық саясат орталықтарында қызмет ету үшін жоғары сұранысқа ие болады. Олар қоршаған ортаны қорғаудың мемлекеттік құрылымдарында, өнеркәсіптік кәсіпорындардың табиғатты қорғау бөлімдерінде, сондай-ақ экологиялық аудит, қоршаған ортаға әсерді бағалау және экологиялық нормативтік құжаттамаларды әзірлеумен айналысатын консалтингтік және аудиторлық компанияларда табысты еңбек етеді.