Жобалау менеджменті
  • Мемлекеттік гранттар конкурсына қатысу үшін өтінішті қалай толтыру керек?

    1. Өтініш бермей тұрып, Сәтбаев университетінің өзіңізге ұнаған білім беру бағдарламасының біреуін таңдап алыңыз; әрине, ол бағдарлама сіз ҰБТ кезінде тапсырған бейінді пәндерге сәйкес келуі керек.

    2. Білім беру бағдарламалары тобынан өзіңіз таңдаған бағдарламаның код номерін жазып алыңыз (кестедегі «Білім беру бағдарламаларының тобы» деген бағанда).

    3. Грант алу үшін толтырылған өтінішке осы топтың код номері мен Сәтбаев университетінің код номерін жазыңыз (Қ.И.Сәтбаев атындағы Қазақ ұлттық техникалық зерттеу университеті): 029.

    4. «Оқу траекториясы» деген бағандағы код номерін қолдану қажет емес. Ол өткен жылғы мамандықтардың код номерлерін (2019 жылға дейін) білім беру бағдарламаларының жаңа код номерімен («Білім беру бағдарламаларының тобы» деген баған) салыстыру үшін және сізге ыңғайлы болу үшін келтірілген.

    Толығырақ

Жобаларды басқару бағдарламасы өнеркәсіптің мұнай-газ және басқа да жоғары технологиялық салаларында, жобалық-бағыттық өндіріс орындарында ірі-ірі кешенді жобаларды басқарушы мамандарды даярлауға бағытталған.

Түлектер 1,0 және 1,5 жылдық оқу мерзімінде – экономика және бизнес магистрі академиялық дәрежесін алып шығады немесе 2 жылдық оқу мерзімінде – экономикалық ғылымдар магистрі дәрежесін алады.

Магистранттар жобалық менеджменттің теориясы мен практикасын, жобаларды басқарудың ұйымдастырушылық жүйесін құру және жобаларды басқару әдістері мен құралдарын қолдануды үйреніп шығады. Оқытушылар ретінде сертификатталған жоба менеджерлері тартылады (PMP, IPMA holders).

Бұл бағдарламаның студенттері жобаның мақсаттық көрсеткіштері мен тиімділік критерийлерін; жобаның шектеулерін, ерекшеліктері мен болжамдарын анықтау дағдыларын; жобаның кестесі мен ұйымдастырушылық-рөлдік құрылымын жасауды; персоналды ынталандыру жүйесін, жобалық тәуекелдерді басқару және бақылау; жобаны іске асыру үшін қажетті ортаны құру дағдыларын меңгеріп шығады.

Бағдарламаның артықшылықтары:

  • Қосымша оқу бағдарламасы PMP бағдарламасының теориялық құрамасын егжей-тегжейлі толықтырады, бұл түлектерге PMP емтихандарын өздігінен тапсыруға мүмкіндік береді.
  • Ыңғайлы, аралас оқу формасы жұмыс пен сабақты қатар алып жүруге және алған білімді күнделікті жұмыста қолдануға мүмкіндік береді.
  • Оқытушылар – халықаралық және қазақстандық білікті мамандар мен тәжірибесі мол зерттеушілер.

Магистранттар әлемнің жетекші университеттерінде кәсіби тәжірибеден өтеді және академиялық ұтқырлық бағдарламалары бойынша Брунель университетінде (Ұлыбритания), Стокгольм технологиялық университетінде (Швеция), Метрополитен университетінде (Венгрия), сондай-ақ басқа да ірі-ірі білім беру және зерттеу орталықтарында оқи алады.