Көлік инженериясы

Көлік және көлік техникасы, тасымалдауды, қозғалысты ұйымдастыру,  сондай-ақ логистиканы пайдалану саласындағы мамандарды оқытуға бағытталған бағдарлама.

Бағдарлама инженерлердің кәсіби стандарттарына қойылатын еуропалық талаптарға сәйкес құрастырылған және Болон процесінің принциптеріне сәйкес жүзеге асырылады. Студенттер автокөлік кәсіпорындарын жобалаудың заманауи әдістері, көлік техникасын жөндеу және технологиялық процестер, жол қозғалысын ұйымдастыру және қауіпсіздік саласында базалық түсініктерді қалыптастыратын пәндердің кең спектрін оқиды. Курстық және дипломдық жобалау ақпараттық-коммуникациялық технологияларды қолдану арқылы жүргізіледі.

Студенттер көлік техникасын пайдалану, көлік жүйелерін техникалық коммерциялық пайдалануды басқару, көлік түрлерінің тиімді өзара іс-қимыл логистикасы принциптерінің негізінде ұйымдастыру, көліктегі қозғалыс қауіпсіздігін қамтамасыз ету бойынша өзара қарым-қатынас жүйесін ұйымдастыру саласында білім алады.

Арнайы пәндермен қатар студенттер ақпараттық технологиялар саласында дайындықтан өтеді (CAD-CAM-CAE жүйелерінде студенттердің компьютерлік дайындығы), өнертапқыштық қызметті және зияткерлік меншік объектілерін коммерцияландыруды үйренеді.

Практика көлік саласындағы мамандарды даярлау процесінің негізгі элементтерінің бірі болып табылады, ол студенттердің оқу процесінде алған білімдерін бекіту және тереңдетуге, сондай-ақ көлік инженериясы бойынша қажетті дағдылар мен машықтарды игеруге арналған.

Оқу және өндірістік практикадан өту кезінде студенттер көлік саласын, көлік техникасы мен технологиясын, логистиканы, басқару және өзге де байланыстарды дамыту үшін ресурстық базаның маңызы, қызмет тұтынушылармен өзара іс-қимыл сипаты, көлік қызметін көрсететін құрылымдағы маманның орны мен рөлі туралы жалпы түсінік алады.

Студенттердің диплом алды практикасы бакалаврды дайындаудың соңғы кезеңі болып табылады және бітірушінің бастапқы кәсіби тәжірибесін меңгеруі үшін, болашақ бакалаврдың өзіндік еңбек қызметіне кәсіби дайындығын тексеру және бітірушілердің біліктілік жұмысын орындау үшін материалдар жинау үшін жүргізіледі. Бұл кезеңде күрделі міндеттерді шеше алатын білікті қызметкерді қалыптастыру болып табылады.

Түлектер техника және технология бакалавры біліктілігін алады және көлік техникасы мен жабдықтарын өндіретін және қызмет көрсететін машина жасау зауыттарында, сондай-ақ тасымалдауды, қозғалысты ұйымдастыруды және көлікті пайдалану мен көлік логистикасын жүзеге асыратын кәсіпорындарда инженер болып жұмыс істей алады.