Сәтбаев университеті адалдық және сыбайлас жемқорлықсыз болашақ принциптерін талқылайды

Сатпаев университетіде «Парасаттылық – жемқорлықсыз қоғамға қадам» атты студенттер конференциясы өтті. Бұл іс-шараны «Қоғамдық пәндер» кафедрасы мен «Саналы Ұрпақ» бөлімі ұйымдастырып, оған студенттер, оқытушылар және «Парасатты ұрпақ үшін» қоғамдық қорының Президенті «Алматы – Адалдық алаңы» жобасының жетекшісі Калимолдин Марат Маутенович қатысты.

Конференцияның негізгі мақсаты – студенттер арасында парасаттылық, адалдық мәдениетін қалыптастыру, сыбайлас жемқорлыққа қарсы күрестің маңыздылығын түсіндіру және жастардың рөлін айқындау.

Іс-шараның ашылу салтанатында алғы сөзді Сыбайлас жемқорлыққа қарсы комплаенс қызметінің басшысы Жуманов Абдиғали Нұрғалиевич сөйледі. Ол студенттерді адалдық қағидаларын ұстануға, қоғамдағы әділдік пен ашықтықты сақтауға шақырды.

Пленарлық отырыс барысында жемқорлықтың алдын алу, академиялық адалдық және ашықтық қағидаттары туралы өзекті баяндамалар ұсынылды. Спикерлер қатарында Сактай Али, Досмұрат Фатима, Маратұлы Абылай, Оралбекқызы Диана, Дидар Нұргелді, Бегімкүлқызы Гүлім және Қыдырбек Шұғыла болды.

Сондай-ақ, «Жастар – жемқорлықсыз болашақтың кепілі» тақырыбында панельдік дискуссия ұйымдастырылып, студенттер жемқорлықпен күрестегі жастардың рөлін, оны болдырмау жолдарын талқылады.

Бұл конференция студенттердің сыбайлас жемқорлыққа қарсы мәдениетін қалыптастыруға, әділдік пен адалдық құндылықтарын насихаттауға және жастардың белсенді азаматтық ұстанымын дамытуға бағытталған маңызды алаң болды. Ұйымдастырушылар алдағы уақытта осындай бастамаларды жалғастыру қажеттігін атап өтті.

Конференцияның соңында үздік баяндамашылар мен белсенді қатысушылар марапатталып, барлық қатысушыларға сертификаттар табысталды. Іс-шара естелік суретке түсумен аяқталды.