10 қараша 2020 334

Сәтбаев Университеті ҒЗТКЖ жобаларын іске асыру үшін Schlumberger компаниясымен күш біріктіреді

Сәтбаев Университеті ҒЗТКЖ жобаларын іске асыру үшін Schlumberger компаниясымен күш біріктіреді

Қараша айының басында Алматы қаласында Сәтбаев Университеті мен Қазақстан Республикасындағы Schlumberger компаниясы басшылығының кездесуі өтті. Кездесу барысында Сәтбаев Университетінің ректоры Искандер Бейсембетов пен Schlumberger компаниясының Қазақстан Республикасындағы аймақтық директоры Роб Фокс жетекші техникалық компаниялар арасындағы ынтымақтастықтың, әсіресе Қазақстан Республикасындағы техникалық университет пен мұнай өндіру саласындағы жетекші халықаралық компания арасындағы ынтымақтастық қарым-қатынастың маңыздылығын атап өтіп, мұнай-газ және тау-кен компаниялары үшін ғылыми-зерттеу және тәжірибелік-конструкторлық жұмыстар (ҒЗТКЖ) саласындағы ынтымақтастықты кеңейту ниеті туралы келісімге қол қойды.

Қазіргі уақытта Сәтбаев Университеті мен Қазақстан Республикасындағы Schlumberger компаниясы Қарағанды ​​көмір бассейнінде метан барлау және өндіру саласындағы ғылыми жобаларды бірлесіп жүзеге асыруда табысты түрде ынтымақтастық қарым-қатынас жасап келеді. Осы жоба аясында компания университетке мамандандырылған Petrel*, ECLIPSE*, Techlog* бағдарламалық әзірлемелерді пайдалану құқығын берді: бұл геология және кен орындарын игеру саласындағы мамандар үшін мұнай-газ кен орындарын жобалау және оңтайландыру процесін жеңілдетеді.

Екі жетекші компанияның өзара ынтымақтастығы мұнай-газ геологиясы мен геофизикасы саласындағы инновациялық идеяларды іске асыруға және ҒЗТКЖ-ны жаңа деңгейге көтеруге мүмкіндік береді.

Schlumberger компаниясы – дүние жүзінде 120-дан астам елде жұмыс істейтін мұнай-газ саласының жетекші әлемдік технологиялық провайдері болып табылады, 2020 жылдың екінші тоқсанының қорытындысы бойынша оның құрамында шамамен 82 000 қызметкер болды. «Шлюмберже Лоджелко Инк.» компаниясының филиалы Қазақстанда 1992 жылдан бері жұмыс істейді және барлау, бұрғылау, өндіру, қайта өңдеу, ұңғымаларды ынталандыру және цифрлық технологиялар саласы бойынша көптеген қызметтер мен өнімдер ұсынады.

Жұлдызша (*) Schlumberger компаниясын белгілеу үшін қолданылады.

Жоғары

Қате кетті!

Жолдарды дұрыс толтыруға тырысыңыз.

Сіздің мәліметтеріңіз сәтті жіберілді!

Жақын арада біз Сізбен хабарласамыз.

Аудармасы жоқ


Басты парақшаға өту