Сәтбаев университеті қала қауіпсіздігі мәселелері бойынша еуразиялық инновациялық форум өткізеді

2022 жылдың 15-17 маусым аралығында Сәтбаев университетінде  «Ірі қалалар қауіпсіздігі мен құрылысының өзекті мәселелері» атты Еуразиялық инновациялық форум өтеді. Форумды Сәтбаев университеті мен Ресейдің құрылыс және тұрғын үй шаруашылық министрлігінің орталық ғылыми-зерттеу және жобалау институтымен, Сейсмология, сейсмотұрақты құрылыс және стихиялық апаттардан қорғану бойынша Еуразиялық  орталықпен және де Ұлттық эксперттік біріккен ұйым "Сросэкспертиза"-мен ұйымдастыруымен жүргізеді.

Форумның негізгі миссиясы – халықтың тыныс-тіршілігінің қолайлы және қауіпсіз ортасын қалыптастыру үшін ірі қалалардың құрылысын жетілдірудің проблемалары мен перспективаларын талқылау, сәулетшілердің, қала салушылардың, құрылысшылардың, аумақтық жоспарлау және төтенше жағдайлар жөніндегі мамандар мен сарапшылардың халықаралық ғылыми-техникалық және іскерлік ынтымақтастығын дамыту.

Форум жұмысының бағыттары:

• Қала құрылысы, сәулет
• Техникалық реттеу, нормалау және стандарттау
• Сейсмикаға төзімді құрылыс және объектілердің қауіпсіздігі
• Көлік инфрақұрылымы объектілері
• Қалдықтардан қайталама шикізат пен ресурстарды қолдану
• Құрылыстағы жобалау, есептеулер, сараптама.

Форумның ғылыми-координациялық кеңесі:

• Болат Куспангалиев, кеңес төрағасы, сәулет докторы, құрметті сәулетші, Шығыс елдері халықаралық сәулет академиясының және халықаралық сәулет академиясының академигі, Қазақстан Республикасы Сәулетшілер одағының мүшесі, "Алтын Адам" сыйлығының лауреаты – "Қазақстанның жоғары мектебі мен сәулетін дамытуға қосқан үлесі үшін" номинациясы бойынша жыл адамы.
• Рустам Акбиев, кеңестің қосымша төрағасы, «Ресей құрылыс министрлігі ОҒЗЖИ» ФМББ кешенді қала құрылысы қауіпсіздігі департаментінің жетекшісі.
• Миркен Абаканов, аға ғылыми қызметкер, Халықаралық инженерлік академиясының корреспондент-мүшесі, Eurasian SEISMO Association президиумының мүшесі.
• Владимир Гурьев, доктор, профессор, РСҚҒА кеңесшісі, ФМББ «Ресей құрылыс министрлігі ОҒЗЖИ»-нің сейсмотұрақты құрылыстың құрылыс механикасы және стихиялық апаттардан қорғау басқармасының жетекшісі.
• Заалишвили Владислав, доктор, профессор, К.Л. Хетагуров атындағы Солтүстік Осетин мемлекеттік университетінің кафедра меңгерушісі, РҒА ҒҒЗИ ғылыми жетекшісі.
• Дмитрий Климов, РСҚҒА-ның корреспондент-мүшесі, МСБ «Қала құрылысы ҒЗжЖИ» директоры.
• Владимир Мондрус, профессор, РСҚҒА-ның корреспондент-мүшесі, Eurasian SEISMO Association президенті міндетін атқарушы, РОССКОМ төрағасы.
• Жанкелди Наширалиев, доцент, қауымдастырылған профессор, Сәтбаев университетінің «Құрылыс және құрылыс материалдары» кафедрасының меңгерушісі.

Форум келесі мекен-жай бойынша өтеді: Алматы қаласы, Сәтбаев көшесі, 22. Сәтбаев университеті.

• 15 маусым 2022 жыл, Сәтбаев университетінің ТМҒ акт залында. Тіркелу уақыты сағат 09.00.
• 16 маусым 2022 жыл, 207 ТМҒ коворкинг орталығы.
• 17 маусым 2022 жыл, 316 МҒ конференц-залы.

Форум жұмысының тілдері: қазақ, орыс, ағылшын. Форум сайты.

Барлықтарыңызды Форумға қатысуға шақырамыз.