Сәтбаев университетінде City University of Hong Kong қос дипломдық бағдарламасы бойынша оқыту басталды

Сәтбаев университетінің ең беделді бағдарламасы жалғасуда – университетте City University of Hong Kong  филиалы студенттері мен магистранттарының кезекті буынымен алғашқы кездесу өтті. Университет ректоры Мейрам Бегентаев, академиялық мәселелер жөніндегі проректор Раиса Ускенбаева және халықаралық ынтымақтастық пен стратегиялық даму жөніндегі бірінші проректор Самғат Ермекбаев студенттермен кездесті.

Кездесудің басты мақсаты – студенттерге білім алу мен мансаптық дамудың болашағын көрсету болды. Университет басшылығы қос диплом бағдарламасы бірегей мүмкіндіктерге жол ашатынын атап өтті, бұл – Сәтбаев университетінің іргелі инженерлік мектебі мен Hong Kong университетінің инновациялық әдістемелерінің үйлесімі.

Кездесу соңында сұрақ-жауап сессиясы өтіп, онда университет басшылығы студенттермен маңызды ақпаратпен және алдағы оқу үдерісіне қатысты өз көзқарастарымен бөлісті, өйткені бұл оқу Қазақстандағы тұңғыш техникалық университет қабырғасында басталып, екі жылдан кейін CityUHK қабырғасында жалғасады. Ол кезде студенттер жаһандық көзқарас қалыптастырып, мәдениетаралық құзыреттіліктерін дамыта түседі, әрі мансап бойынша өсу мүмкіндіктерін едәуір кеңейтуге мүмкіндік алады.

Қос дипломды білім беру бағдарламасының студенттері сабақты толығымен ағылшын тілінде мына негізгі бағыттар бойынша оқиды:

• Computer Science (AI);
• Civil Engineering;
• Material Science.