Сәтбаев Университетінде Досым Сулеев атындағы зал ашылды

2022 жылғы 5 наурыз күні арнайы күрделі жөндеуден өткен акт залының ашылу салтанаты өтті. Атақты отандасымыздың ғылыми-білім беру саласына, университетке сіңірген еңбегін жоғары бағалау мақсатында жаңа ашылған залға әйгілі Политехтің түлегі, бұрынғы ректор, академик Досым Қасымұлы Сүлеевтің есімі беріліп, ол енді Д. Сүлеев атындағы ғылыми-мәдениет орталығы деп аталды. Салтанатты жиынға басшылықтың қолдауымен университеттің бүкіл ұжымы жиналып, дәстүр бойынша қызыл лента қиылды. Ғылыми-мәдениет орталығының есігі енді барлық іс-шараларға ресми түрде ашық.

Үстіміздегі жылы 7 наурыз күні белгілі ғалым, академик, музыкант, әйгілі «Дос-Мұқасан» ансамблінің негізін қалаушылардың бірі Досым Сүлеевтің 75 жасқа толуына арналған мерейтойлық жиын осы залда өтеді. Келем деушілерге есік ашық. Басталуы – сағат 11.00.