Сәтбаев университетінде «ІТ-Хакатон» өтті
2019 жылы 16–17 қараша күндері Сәтбаев университетінде ішкі «ІТ-Хакатон» жарысы өтті. «Хакатонға» 12 команда қатысты, олар бейресми жағдайда тапсырмаларды шешіп, қорытындысы бойынша өз жұмыстарының нәтижелерін ұсынды.
Хакатонның жеңімпаздары:
1-орынды «Falcons» командасы иеленді, құрамы: Жанақбай Нұрайым, Бектұрсын Сара, Досымханова Ақмарал, Мұханғалиев Фархад. Команда «Шығармашылық жоба», студенттер қолдана алатын ойын жобаларын ұсынды.
2-орынды «Команда 1» командасы иеленді, олар «DrawHack Web қосымшасы» жобасын ұсынса, 3-орын алған «АВС» командасы оқытушылар туралы жалпы мәліметтерді енгізуді автоматтандыру жобасын ұсынған еді.
«Креативті студенттік идея» номинациясы бойынша жеңімпаз дипломын «Ақпараттық жүйелер» мамандығының 3-курс студенті Алихан Мурзаев жеңіп алды.
Сонымен қатар төмендегі номинациялар марапатталды:
- Прототип үшін – «ReatM» командасы;
- Іс-тәжірибе тәсілі үшін – «Vertex» командасы;
- Жаһандық тәсіл үшін – «Pied Piper» командасы;
- Бизнес тәсілі мен ынтасы үшін – «Atlants» командасы;
- Идея үшін – «АА» командасы.
