Сәтбаев Университетінде мектеп оқушылары өздерінің техникалық білімдерін ортаға салды
2023 жылы 24 наурыз күні Сәтбаев Университетінде Қазақстан Республикасының 11 және 12-сынып оқушылары арасында «Жас Сәтбаев-II» интеллектуалдық ойынының финалы өтті. Сайыс барысында мектеп оқушылары математика, физика, химия сияқты техникалық пәндер бойынша өз білімдері мен есеп шығару қабілеттерін көрсетті.
Байқау жылдан-жылға елімізге кеңінен жайылып келеді – биылғы жылғы байқауға 300 дарынды мектеп оқушылары қатысты. Ойынның шешуші кезеңіне Қазақстанның әртүрлі қалаларынан келген 10 жеңімпаз өтті, оның ішінде Ақтау, Сарқанд, Қызылорда, Алматы және басқа облыстардан келген оқушылар да бар.
Финал қорытындысы бойынша «Жас Сәтбаев-II» ойынының жеңімпазы болып ақтаулық Ғабиден Мәуленов атанды, ол Сәтбаев Университетінде өзі таңдаған бағдарлама бойынша бакалавриатта оқуға грант ұтып алды. Екінші орынды сарқандтық Анель Махидинова, ал үшінші орынды қызылордалық Камилла Осикова иеленді. Бұл екі жеңімпаз да бағалы сыйлықтармен марапатталды.
Сәтбаев Университеті талантты жастарды – болашақ инженерлерді іздеп табуға ерекше көңіл бөледі. «Жас Сәтбаев» интеллектуалды ойыны биыл екінші рет өткізіліп отыр. Ұйымдастырушылар – Сәтбаев Университетінің Жас ғалымдар кеңесі мен Ғылым департаменті.
«Интеллект үшін» грант алуға күрес мектеп оқушыларына өздерінің білімдерін, ақыл-ойының икемділігін және ең жақсы интеллектуалдық қасиеттерін ортаға салуға көмектесіп қана қоймайды, сонымен қатар олардың келешегіне дұрыс жол ашып береді. Ал Сәтбаев Университеті мұндай мүмкіндікті қуана-қуана ұсынады. Университет бұл бағыттағы жұмысты одан әрі жалғастырып, алдағы уақытта жас ғалымдарды тартуға және оларға қолдау көрсетуге жаңа әдістер қарастыратын болады.
